بهار عشق
بهار عشق
بهار عشق (ڪتاب): هيءُ ڪتاب نامور شاعر شمس الدين ‘بلبل’ جي خطن ۽ شاعريءَ تي مشتمل آهي. هن ڪتاب جو ديباچو ليکڪ جو لکيل آهي. هن ڪتاب ۾ ڪل ڏهه خط ڏنل آهن. جن سان گڏ بيت به شامل آهن. هيءُ ڪتاب هريسنگهه پينشنر ڪتبخانه سکر نئون، 1912ع ۾ ڇپرائي پڌرو ڪيو. 66 صفحن تي مشتمل ڪرائون سائيز جي هن ڪتاب جو هيءُ ٻيو ڇاپو آهي، جنهن جي قيمت ڄاڻايل نه آهي. هي ڪتاب انسٽيٽيوٽ آف سنڌالاجيءَ جي لائبرريءَ ۾ محفوظ آهي.